Manera hortan guzien azken fina da herioa, eta bizia laster iragaiten da itzala bezala.
8. Nor orhoituko zutaz, zu hillez gero? nork eginen du zuretzat othoitzik?
Egizu orai, egizu maitea, ahal dagizun guzia, zeren eztakizu noiz hillen zarenez eta zer jarraikiko zaitzun hil ondoan.
Denbora duzunean bil tzatzu ezin hillezko aberastasunak.
Ez erabil gogoan zure Salbamenduaz bertzerik, idukazu artha Jainkoari ukitzen zaizkon gauzez xoilki.
Egitzu orai Jainkoaren Sainduak adiskide, ohora tzatzu, eta zarraiste hekin obrei: arren bizitze hunetarik ilki zaitezinean sekulako egoitzetan har zaitzatentzat.
9. Egizu kontu Saindurale eta arrotz bezala zarela lurraren gainean, eta eztela munduko egitekoetan dagotzun gauzarik.
Idukazu bihotza libro eta Jainkoagana goititurik, berdin eztuzu hemen dirauen hiririk.
Igor tzatzu hara egun oroz zure othoitzak, hasbeherapenak, eta nigarrak zure arima joanez gero, Jainkoagana doatsuki iragan dadintzat.
