hain gaitzik pairatu behar ezpazendu bezala, baina laudatzen banauzu erraiten duzula ni naizela justu eta saindu ene ordenanza guzietan, orduan bakearen egiazko bidean xuxen zabiltza, eta duda gabeko esperanza ahal dukezu berriz ere ene begitartea ikusiko duzula bozkarioturik.
Baldin hil bazaitezke zure buruaren osoki mesprezatzeko puntura, jakin ezazu bakearen frankiaz gozaturen zarela zure mundu hunetako egoiteak egin dezakeien bezanbat.
Hogoi eta seigarren kapitulua
Bihotzeko libertatearen ekzellenziaz eta lehen ardiesten dela orazione humillaz ezen ez liburuak irakurriz.
1. Jauna, hori gizon konpliaren obra, sekulan gogoa ez largatzea zeruko konsiderazionetarik, eta buruko hainitz egitekoren artean iragaitea egitekorik ezpalu bezala, ez tonto edo torpe baten gisa, bainan arima libro eta ideki baten abantaillaz munduan den gauzari itxeki gabe legezko ezten afekzioneaz.
2. Othoi, ene Jainko guziz pietatetsua, begira nazazu bizitze hunetako gogoetetarik, sobera korapilla eznadin: gorputzeko behar
