humiltasunean zimendatua den, eta Jainkozko karitatez bethea den, ea bethi garbiki eta zinetan Jainkoaren ohorearen bilha dabillan, ea beren burua ezdeus dadukan eta egiazki mesprezatzen duen, eta ea nahiago duen bertzeek hura mespreza eta mendre ets dezaten ezen ez ohora dezaten.
Zortzigarren kapitulua
Bere burua guti esteaz Jainkoaren aitzinean.
1. Ni hauts eta erhauts naizen hori mintzatuko othe natzaio ene Jaunari?
Uste badut erhauts baino geiago naizela, huna ene kontra jarria zare Jauna, eta ene gaixtakeria egia hunen lekuko dire, eta ezin derraket kontra deus ere.
Ordea neure burua egiten badut xipi, ezdeus, eta den bezala, erhauts, estima on guzia kentzen badut eneganik, orduan zure grazia ene alde izanen da, zure argia hurbilduko zaio ene bihotzari, eta nitaz ahal dukedan estimarik aphurrena ene ezdeustasunean barrena hondatuko da eta galduko sekulakotz.
Hortan erakusten derautazu neure burua zer naizen, zer izan naizen, eta nora etorri naizen; ezen enaizela deus ere, eta
