IV 11, 4. Mündü huntan nizano, bi gaizaren ezinago mengua handi bat düdala borogatzen dit, hurak gabe, miseriazko izate haur enirozü süstenga ahal.
Khorpitz hunen presuntegian nagueno, bi gaizaren, erran nahi beita, hazkürriaren, eta argiaren mengua badüdala aithortzen dit.
Eman deitazü hori dela kausa, flakü nintzalakoz, zure khorpitz sakratia, ene ezpiritiaren, eta khorpitzaren errekeitütako: eta zure hitz saintia, lanpada baten argiaz bezala, ene ürhatsen gidatzeko.
Bi gaiza horik gabe, untsa enitezü bizi: ezi Jinkuaren hitza düzü, ene arimaren argia, zure sakramentia aldiz, bizia emaiten dian ogia.
Erraiten ahal dizügü orano, bi gaiza horik direla, bi mahañ, eliza saintaren bedera althetan ezaririk daudianak.
Bata düzü, althare sakratiaren mahaña, ogi saintia, erran nahi beita, Jesü Kristen khorpitz preziatia dadükana.
Bestia düzü, Jinkuaren legiarena, dotrina saintia dadükana, fede xüxena erakusten deiküna, eta, saintien saintia estaltzen dian arrideuaren althe
