X. KAPITÜLIA
Eztiala ihurk arhinzki eitzi behar komünione saintia.
Maithatiaren botza.
IV 10, 1. Ardüra hersatü behar düzü graziaren, eta Jinkuaren miserikordiaren üthürbüriala, huntarzünaren, eta xahütarzün ororen üthürriala, zure pasione, eta bizio orotarik sendo ahal zitian amurekatik, eta debriaren tentazione, eta inganio ororen kuntre, azkarrago eta goguatiago izatia, merexi dezazün.
Nula etsaiak beitaki, komünione saintian daguela gure abantallarik handiena, eta erremediorik hobena, bere indarrak oro, eginahal, eta aldi ükheiten dian oroz, enplegatzen dütü, fidelen eta deboten hantik gibelt erazitzeko.
IV 10, 2. Ezi nuiz ere komünione saintiala adelatzera zunbait iseiatzen beitira, ordian satanen atakarzünik handienak ükheiten dütie.
