esperantxa osoki galdü beiliz bezala.
III 30, 4. Eztüzüla uste osoki eitzia zirela, thenpora boxi baten, zenbait thürbürarzün igorri, edo desiratzen zünian gaiza idoki deizüdalakoz; ezi hola ihur igaraiten düzü zelietako erresomalat.
Eta düdagabe haboro konbeni zaizü, eta ene beste zerbütxarier, phenez borogatiak izan ziteien, ezi ez oro zien nahiala bazüntie.
Nik bazikitzüt phensamentü estaliak, ezagützen dit, hanitx konbeni dela zure salbamentiaren, zunbait ordüz gozo gabe eitzia izan zitian, beldürrez gaizen untsa juaitiak gora erazi zitzan, eta plazerak uste ükhen erazi dizazün, etzirena bazilera.
Behin eman düdana idokiten ahal dit, eta arzara emaiten plazer dükedanian.
III 30, 5. Eman dükedanian enia dükezü, idoki dükedanian eztikezüt zuria hartü; zeren gaiza hun emanak, eta zelüko dohaiñak oro, eniak beitira.
Eizten badeizüt jitera zunbait phena, edo zernahi beita gaiza kuntre denik, etzitiala khexa, eta eztezazüla bihotza gal: nik berhala solajatzen ahal zütüt, eta zure phena alagrantziatara khanbia erazitzen.
