Badakizü zük, aphür soferitzen ahal düdala, eta gaitz txipi baten jitiak, berhala korajia gal erazitzen deitadala.
Gertha bekit maithagarri, eta desiragarri, zure amurekatik, zernahi beita thürbürarzünen soferitzia, ezi soferitzia, eta zuregatik eskerniatü izatia, ezinago balius düzü, ene arimarentako.
XX. KAPITÜLIA
Gihauren flakütarzünaren aithortziaz, eta mündü hunatko miserietzaz.
III 20, 1. Aithortüren dit, nihauren kuntre, ene gaixtokeria: aithortüren deizüt, Jauna, ene flakütarzüna.
Hanitxetan gaiza txipi bat dükezü, ni bihozgabetzen, eta tristetzen naiana.
Hartzen dizüt boronthate, korajus izateko; bena tentazione txipi bat jin den bezañ sarri, hersidüra handi batetan edireiten nüzü.
Gaiza erras xar den bat dükezü, zunbait ordüz, tentazione gaitz bat erakharten deitadana.
