ezdeus eli bat gira.
Ordian egiazki, ezpiritüz praube, eta bilaizi izaten, eta profetareki erraiten ahal dü, nihaurtü niz eta praubetü.
Eta haregatik bere büriaren, eta gaizen ororen eizten, eta lekhürik aphalenian jarten dakiana beno, ezta ihur aberatsagorik, ihur photerusagorik, ez haboro libertate dianik.
XII. KAPITÜLIA
Khürütxe saintiaren errege bidiaz
II 12, 1. Elhesta haur hanitxi gogor, eta gaitz üdüritzen zaie: eitz zazü zure büria, goiti zazü zure khürütxia, eta jarraiki zite Jesüsi.
Bena hanitxez gaixtuago dateke azken hitz hunen entzütia: aparta ziteie maradikatiak eneganik sü eternalialat.
Ezi nur ere orai gogo hunez behatzen, eta khürütxiaren hitzari jarraikiten beitira, hek eztie ordian lotsarik ükhenen, entzün dezen eternalki damnatü direla.
Khürütxe hunen señalia date zelian, Jesüs Jauna jüjatzera jiten datekianian.
Ordian khürütxiaren zerbütxariak,
