Ardüran ere eztügü goguarik emaiten, zuñen handi den gure bihotzeko ütsütarzüna.
Hanitxetan gaizki egiten dügü, eta gaizkiago gure falta estali nahi günüke.
Pasioniak zunbait ordüz zotüka erazitzen gütü, eta uste dügü zelo bat dela.
Besteren falta txipietan zerbait erraiteko edireiten dügü; eta gihauren handiak ixilik eizten dütügü igaraitera.
Aski bertan borogatzen, eta phezatzen dügü, zer besteganik soferitzen dügün: bestek zunbat gureganik soferitzen dien, eztügü goguarik emaiten.
Nurk ere bere egitatiak xüxenki, eta jüstoki pheza beilitiro, ihurtzaz eliro jüdikamentü gaixtorik egin.
II 5, 2. Gizon egiazki debot den batek, bere arimaren arranküra beste ororen gañetik ezarten dü, eta nurk ere bere büriari untsa gogua emaiten beitü, hura ehiki bestetzaz ixilik egoiten da.
Etzira seküla egiazki debot izanen, besteren egitekuetan gañen, ixilik egoiten ezpazira, eta zihaurganat berheziki so egiten ezpadüzü.
Jinkuaganat eta zihaurganat zure gogua osoki ezarten balin badüzü, kanpuan ikhusten dütüzün gaizek
