Eta ihun ere bada thürbürarzünik, eta phenarik, hura kontzentzia gaixtuak hobeki senditzen dü.
Hala nula bürdüña süian ezarriak erdolla galtzen beitü, eta bera gorritzen beita: orobat, gizon Jinkuaganat osoki ützültzen dena, bere hozkeriatik bilainzten da, eta gizon berri batetara khanbiatzen.
II 4, 3. Nuiz ere gizona hozten hasten beita; ordian lan txipi batek lotsatzen dü, eta gogo hunez kanpotiko konsolazionia hartzen dü.
Bena nuiz ere bere büriaren osoki garhaitzen, eta Jinkuaren bidian gizonki ebilten hasten beita: ordian gütiago khontü egiten dü, lehen greu zeitzola senditzen zütian, gaizetzaz.
V. KAPITÜLIA
Bere büriaren ezagütziaz.
II 5, 1. Gure bürietan sobera sinheste ezin har dirogü; zeren grazia, eta enthelegia ardüra ments beitütügü.
Argi aphür da gü beithan, eta dena ere berhala galtzen dügü, gure laxükeriaz.
