Sinpletarzünak behar dü izan intenzionian, xahütarzünak bihotzian: sinpletarzüna goiti dua Jinkuaganat; xahatarzünak Jinkua besarkatzen dü, eta gozatzen.
Bihotzeko desirkünte gaixtuetarik solt balin bazira, egitate hunek batek ere ezteizü ezpiritia nahasiren.
Jinkuaren plazera, eta protsimuaren abantalla baizik, ezpadüzü desiratzen, eta txerkhatzen; gozatüren düzü bihotzeko libertatia.
Bihotza xüxen balin bazünü, kreatürak oro bizitziaren miraill, eta librü saintü baten, zerbütxa lekiditzü.
Ezta kreatüra hang txipi, eta xar denik, zuñek Jinkuaren huntarzüna eztian erakusten.
II 4, 2. Bihotzetik pherestü, eta xahü bazina, gaizak oro ikhus, eta untsa enthelega zintzake, baragallürik gabe.
Bihotz xahia zeliala igaiten da, eta iferniala jaisten.
Batbederak bere bihotzeko sendimentien araur, kanpotiko gaizen jüdikamentiak ere egiten dütü.
Mündian balin bada alagrantziarik, hura, düdagabe, bihotz xahia dian gizonak gozatzen dü.
