1 Eta Jerusaleme aldera ziradenean, eta ethor zitezenean Betfajera, Olibatzetako mendi aldera. Orduan Jesusek igor zitzan bi diszipulu,
2 erraiten zerauela: Zoazte zuen aurkhako burgura, eta bertan eridenen duzue asto eme bat estekatua, eta ume bat harekin. Laxaturik ekhar ietzadazue.
3 Eta baldin nehork deus badarrazue, errazue ezen Jaunak behar dituela, ezen bertan igorriren ditu hek.
4 Bada haur guzia egin izan da Profetáz erran zena konpli ledinzát, zioela:
5 Errozue Siongo alabari: Huná, eure regea ethorten zain mansorik, eta asto emearen, eta uztarrikoaren ume arraren gainean jarria.
6 Diszipuluak bada joan zitezen, eta egin zezaten Jesusek ordenatu zerauen bezala.
7 Eta ekhar zitzaten astoa eta umea, eta ezar zitzaten haién gainean bere abillamenduak, eta jar erazi zezaten haién gainean.
8 Eta jendetze handik heda zitzaten bere abillamenduak bidean, eta berzék adarrak pikatzen zituzten arboretarik, eta bidean hedatzen.
9 Eta aitzinean joaiten eta jarreikiten zen populua oihuz zegoen, zioela: Hosanna Dabiden semeá! Benedikatu dela Jaunaren izenean ethorten dena, Hosanna lekhu gorenetan aizená.
10 Eta sarthu zenean hura Jerusalemen, zibitate guzia mobi zedin, zioela: Nor da haur?
