<112v>
mezaren azkenean erraten da Juandone Juanes ebanjelistaren ebanjelioa, non baitaude eskribaturik itz oek, zeñetan aditzera ematen baitzaigu nola Jaungoikoaren semea egin zen gizon, zeñen medios libratu bear baitugu gaitz eta peligro guzietatik eta erdetsi ondasun guziak. Argatik erranuen ez lukela mezatik iork ere atra bear ebanjelio sandu au enzun bage.
Zesariok kontatzen du peregrino bat zeritzola Vinando, juan zela berze lagun batzueki erromerian Jerusalena. Gertatu zen eze Jerusalena eldurik onen lagunek meza enzun eta determinatu zuten partitzera Bazkoa erresurrezioko egunean. Vinandok erran zioten lagunei “Egun Bazkoa eguna da, arrazio da egun sandu onetan gauden emen eta ofizioak enzun ditzagun”. Etzuten nai izandu, baizik partitu ziraden bereala. Gizon on au gelditu zen egun artako ofizioak enzuteagatik. Biaramunean
