<613>
Eta gero ere, sendatuz gero ere, gelditzen da komunzki seinalea, gelditzen da marka. Hala bada, bekhatuaren sal-erosia eta kolpea ere fite da egin. Ordea, gelditzen den seinalea, marka, notha, kulpa, zorra eta obligazinoa, sekulakotz gelditzen da. Transit actus et remanet reatus. Iragaiten da kolpea, eta gelditzen da ondoko ondorea.
Beraz, arrazoinekin, gelditzen den ondoko ondoreagatik, laburzki egiten den bekhatuari emaiten zaika gaztigu luzea eta sekulakoa. Eta hala emaiten zaika, halaber, laburzki egiten den obra onari ere, sekulako loria eta pagamendua.
Zergatik Jainko miserikordiosak, denboraren buruan bedere, ezterauen ifernuan daudenei barkhatzen?
Kap. LX
395 Gogoak emaiten deraut, benturaz erranen duela zenbaitek: Ez lizateke hobe, Jainko miserikordiosak, hain miserikordios denaz geroz, usa lezan bere miserikordiaz, osoki eta
