<590>
eztuzu oinhaze osoa eta ez guztietakoa. Eta, alabaina, parte batetako oinhazeak berak, hagin batetako minak, hain penatzen eta asaldatzen zaitu, non gau guztian lorik egin gabe edukitzen baitzaitu. Zer lizateke, bada, baldin gorputz guztian eta gorputzeko endrezera, aurkientza, juntura eta parte guztietan, osoki, berdinzki eta batetan oinhaze bazendu, eta oinhaze harekin erreka batetan, guztiek utzia, bazeneuntza? Orduan zinez zinateke onbehar, ondikozko eta urrikalkizun. Hala da, bada, eta are urrikalkizunago, ifernuko penetan dagoena. Zeren hura da osoki guztia eta guztietan eri; hura da guztietan minez eta oinhazez gainez egina; eztu bazterrik, eztu huts-gunerik, guztia da bethea. Eta ongi da hala den. Zeren nola gorputz guztiaz eta gorputzeko parte guztiez, osoki, bekhatu egin baitzuen, arrazoin da, halaber, gorputz guztiaz eta gorputzeko parte guztiez osoki paga dezan, eta guztietan den alde guztiz penatua, gaztigatua eta oinhazeztatua.
§ 4
380 Oinhaze hek, dolorezko dolore hek, emaiten zaitza ifernuan dagoenari, diferentki, egin zituen bekhatuen diferentzien arauaz
