<583>
sentikorrago eta suari ihardesteko flakoago. Eta, halatan, biak berdin su batetan egonagatik, eztira biak berdin erratzen eta ez penatzen, baina batbedera penatzen da bere duen faltaren eta hobenaren arauaz.
§ 2
375 Orai hemen galdegin ahal diteke ea ifernuan berorik baizen hotzik izanen denz. Eta bada erraiten duenik baietz: eta nola ifernuan izanen baita bero handi bat, hala izanen dela, halaber, hotz handi bat, izotz, horma, elhur; eta ifernuan daudenak aldatuko direla batetik bertzera, bero handitik hotz handira, eta hotz handitik bero handira. Baina bitartean, batetik bertzera aldatzean, etzaiela penarik arinduko. Eta hunela erraiten dutenek, hartzen dute okhasino hunela erraiteko, Job gizon saindu haren erran batetarik: Ad calorem nimium transiet, ab aquis nivium; et usque ad inferos peccatum illius (Iob. 24). Bero handira iragan bedi elhur uretik, eta ezta ifernuraino baratuko haren bekhatua. Beraz, badirudi ezen ifernuan izanen dela hotz eta bero, ur eta su.
Baina egiteko huni ihardesteko, aita Domingo Soto doktor handi hari jarraiki
