Orrialde:Leizarraga-eban.djvu/77

eta aiták haurra. Eta altxaturen dirade haurrak aita-amén kontra, eta hil eraziren dituzté.

22 Eta guziéz gaitzetsiak izanen zarete ene izenagatik. Baina nork ere perseberaturen baitu finerano, hura salbaturen da.

23 Eta persekutaturen zaituztenean hiri hartan, ihes egizue berze batetara, ezen egiaz erraiten drauzuet, eztituzue inguraturen Israeleko hiri guziak, non ethor eztadin gizonaren Semea.

24 Ezta diszipulua majistruaren gaineko, ez eta zerbitzaria bere Jaunaren gaineko.

25 Asko du diszipuluak bere majistrua bezala den, eta zerbitzariak, bere Jauna bezala. Baldin Aitafamiliá bera Beelzebub deithu badute, zenbatez gehiago haren domestikoak?

26 Etzaretela beraz haién beldur, ezen ezta deus estalirik agerturen eztenik, ezeta deus sekreturik jakinen eztenik.

27 Ilhunbean erraiten drauzuedana, errazue argian. Eta beharrira enzuten duzuena, predika ezazue etxe gainetan.

28 Eta etzaretela beldur gorputza hiltzen dutenén, eta arimá ezin hil dezaketenen, baina aitzitik zareten beldur arimá eta gorputza gehennán gal ahal ditzakenaren.

29 Bi parra-xori eztirade dirutxo batetan saltzen? Eta hetarik bat ezta lurrera eroriren, zuen Aita gabe.

30 Etare zuen buruko bilo guziak kontatuak dirade.