Orrialde:AxularGero faksimile.djvu/213

<213>

ja atrapatu denean, Jainkoarekin gerthatzen zaikana. Halakoari eta halakoei erranen deraue Jainkoak, Abimelek erregeari, eta harekin ziren lagunei, Isak patriarkak erran zerauena: Quid venistis ad me hominem, quem odistis et expulistis a vobis? (Genes. 26). Zertara ethorri zarete orai enegana, lehen gaitzetsia, alfer etsia eta zeuenganik egotzia erabili duzuen gizon batengana?

Erranen deraue halaber halakoei, Ebanjelioko borz birjina ergel hei erran zerauena:Amen dico vobis; nescio vos (Matth. 25). "Zoazte hortik, etzaituztet ezagutzen". Clausa est ianua. "Hertsi da athea, ezta idekitzerik, berandu duzue". Erranen deraue halakoei: "Zuek, ahala zendutenean, etzenduten ontasunik egin nahi; zergatik, bada, orai, ahalik eztuzuenean, egin behar deratzuet nik zuei?". Finean erranen deraue: "Non dira orainokoan zerbitzatu ditutzuen jaunak eta nabusiak? Erabili ditutzuen bekhatuak eta gaixtakeriak?". Surgant et opitulentur vobis (Deut. 32). "Zoazte hetara, eta hek lagun bekizkitzue; eta utz nazazue ni orai ere, orainokoan utzi nauzuen bezala. Zuek lehen egiten zenduten nitzaz irri eta eskarnio; hala bada, aldiz, nik ere orai eginen dut zuetzaz". Ego quoque in interitu vestro ridebo.

143 Hunela erranen deraue, heriotzeko oreneraino bekhatutan ibilirik, oren hartan bere bekhatuak erremediatu nahi dituztenei. Eta