Hanitxek debozionia galdü ükhen die, zeren gaiza goregiak ikhertü nahi ükhen beitütie.
Etzaizü galthatzen enthelegiaren gora ükheitia, ez etare Jinkuaren misteriuen barnatarzünaren ezagützia; bena bai fedia, eta bizitze xahia.
Ezpadütüzü enthelegatzen, ez ezagützen zihaur beno aphalago diren gaizak; nula enthelegatüren dütüzü, zihaur beno gorago direnak.
Jar zite Jinkuaren eskü pian, eta zure enthelegia plega erazi zazü fediaren maniala, eta eman izanen zaizü jakitiaren argia, zük behar bezalako, eta zure hun den bezala.
IV 18, 3. Zunbaitek tentazione gaitzik soferitzen die feden gañen, baietare sakramentü hunen gañen; bena eztie hek ogenik, horik etsaiaren gaixtokeriatik jiten dira.
Eztüzüla axolik zure phensamentietzaz, etzitiala hekin debadiotan sar, eta eztezazüla ihardets debriak igorten deitzün düder; bena sinhets itzazü Jinkuaren hitzak, sinhets itzazü haren saintiak, eta profetak; eta etsai gaixtuak ihesi eginen deizü.
Hanitxetan untsa profeitable düzü,
