III. KAPITÜLIA.
Gizon pherestü bakia maite dianaz
II 3, 1. Zihaur egon zite lehenik bakian, eta gero bestiak hartan ezariren ahal dütüzü.
Gizon bakia maite dian batek haboro huntarzün egiten dü, ezi ez jakitus handi batek.
Bere pasioner enjogi den gizonak, huna ere gaizkiala ützültzen dü, eta gaizkia ehiñera sinhesten.
Bakia maite dian gizon pherestü batek, gaizak oro huniala ützültzen dütü.
Bake hunian denak, eztü ustekeria gaixtorik ihurtzaz hartzen: bena hanitx halako ustekeriak eskerniatzen die, phausürik eta kontentamentürik gabe dena, eta bera bakegabe da, eta bestiak eztütü nahi eitzi phausian.
Ardüra, erran behar eztian gaiza erraiten dü, eta gaiza konbeni litzetkeiona egiteko üzten dü.
Bestek zer egin behar lükien ikhusten dü, eta berak egin behar lütükian gaizer begiak zerratzen dütü.
