<406>
ordenatu zuen hala. Zeren bere burua ezin goberna dezakeienak, nola eginen du bertzerena? Qui sibi nequam est, cui alii bonus erit? (Eccles. 14). Beretzat gaixto dena, nola izanen da bertzerenzat on?
Korinthioek bere erregearen izendatzean eta koroatzean usatzen zuten zirimonietarik bat zen, ekhartzea bere aitzinera beira bat ur, aditzera emaitegatik etzuela handik aitzina arnorik edan behar, edo edanen zuena, ongi ematurik eta urtzuturik edan beharko zuela (AEneas, Silv. de Europa, ca. 10).
Lehenago Erromako emaztek etzuten batere arnorik edaten. Zeren bertzerentzat ere itsusi da sobera edatea, baina emaztentzat are itsusiago eta perilosago. Handik uste dut ethorri zela usantza, arrotz kalean, kanpotik ethortzean, gizonek emaztei pot egitea, musu emaitea, jakiteko ea arno usainik bazutenz (Alexan. ab Alexandro, lib. 2, cap. 26).
265 Federiko, izen hunetako hirurgarren enperadoreak, etzuen bere mendean arnorik edan, anhitz baitzen aleman batentzat. Eta nola berak ezpaitzuen edaten, begi gaitzez behatzen zerauen arnora emanak ziren guztiei. Enperadore hark etzuen haurrik izaiten, ezkondua bazen ere. Eta midikuek elkhargana bildurik eta konseilu harturik, erran zioten enperatrizari arno aphur bat edan behar zuela, eta halatan zenbait haur izanen zuela (AEneas Silv. lib. de dictis et factis Alphonsi Regis, num. 7). Enperadoreak midikuen abisu
