Orrialde:Leizarraga-eban.djvu/28

ez iraizten denik. Eta labur erraitera, bere Aitaz emaiten den anzora Jesus Krist ezaguturen, aboaturen eta rezebituren duenik batre ezta iraitzirik izanen. Bada hain zinez eta hain zudu handiaz guziei bardinzki dohakunaz geroz eta guziak Kristino estimatzen garenaren gainean, sufrituren dugu hain justoki eta hain zuzen onez guziei bardin apartenitzen zaikun Testamentu konplitu haur edeki, estal, korrunpi edo ezezta dakigun? Helas, Testamentu haur gabe, Jainkoaren resuman parterik ez ikhustekorik batre ezin dukegu. Haur gabe, Jesus Kristek egin drauzkigun on handiez eta promesez, bai eta hark preparatu draukun gloriaz eta dohainontasunaz eskaz eta ignorant gelditzen gara. Haur gabetarik ezin dakikegu zer Jainkoak manatzen draukun ez zer defendatzen. Haur gabetarik, ona gaixtotik, ez klaretatea ilhunetik, ez Jainkoaren manamenduak gizonén ordenanzetarik ezin diszerni ez berez ahal ditzakegu. Ebanjelioa eta haren ezagutzea gabe, guziak gara inutil eta bano; Ebanjelioa eta haren ezagutzea gabe kristino ezin garate. Hura gabe abrastasun guzia paubrezia baizen ezta eta gizonén zuhurtzia guzia, erhogoa Jainkoaren aitzinean; eta puisanza guzia, flakatasun; eta gizonén aitzinean justifikagarri dena, Jainkoaren aitzinean kondemnagarri. Baina Ebanjelioaren ezagutzeaz, Jainkoaren haur egiten gara, eta Jesus Kristen haurride, sainduén burjeskide, zeruetako resumako habitant, Jainkoaren heredero Jesus Kristekin. Eta Ebanjelioaren ezagutze hunez paubreak, abrats bilhatzen dirade; flakuak, botheretsu; erho; estimatuak, zuhur; bekhatoreak dirade justifikatzen, desolatuak konsolatzen, dudán zeudenak seguratzen, suiekzionean ziradenak libertatean jarten. Ebanjelioa da bizitzezko eta egiazko hitza. Hura da Jainkoaren puisanzá, sinhesten duten guzién salbatzekotzat. Hura da Jainkoaren szienziazko gakho zeruetako resumako borthá fidelei, bekhatutarik laxatzen dituelarik, irekiten drauena, eta sinhesterik eztutenei, berén bekhatuetan estekatzen dituelarik, ersten drauena. Dohatsu dirade hura enzuten eta begiratzen duten guziak, ezen halaz