Orrialde:AxularGero faksimile.djvu/321

<321>

Zergatik behar diogun geure etsaiari barkhatu eta amorio eduki. Lehenbiziko arrazoina: zeren Jainkoak manatzen baitu

Kap. XXVIII

213 Erran dugu zenbat kalte egiten duen mendekatzeko desira desordenatuak, eta handik sortzen den gaitzerizkoak; ibeni dugu, halaber, zenbait erremedio eta konsiderazino ez haserretzeko, mendekuen utzteko eta koleraren iraungitzeko.

Bada, orai behar da jakin eta konsideratu, materia hunetako ponturik prinzipalena: ea nola behar dugun geure etsaiaren alderakotzat gobernatu; behar dugunz etsaia onhetsi ala gaitzetsi.

Eta baldin onhetsi behar badugu, ea zergatik, zer kausaz edo arrazoinez behar dugun onhetsi.

Lehenago, Lege Zaharrean, legea gaizki aditurik, etzedukaten bekhatu etsaiaren gaitzestea. Zeren nola legeak manatzen baitzuen adiskideak onhets zitzatela, eta etsaiez ezpaitzuen deus erraiten eta konturik egiten, handik atheratzen zuten, beraz, etsaiak gaitzets