Orrialde:Pouvreau eskuizkribua.djvu/320

Wikisource BIMtik
Hona jauzi: nabigazioa, bilatu
Orri hau berrikusi gabe dago


othoitzik edo mezarik enegatik desiratu duten, edo eskatu zaizkidan guzien beharrak, oraino bizi edo jadanik hil badire; arren guziak senti dezaten zu heltzen zaizkotela zure graziaz, faboratzen tutzula zure konsolazioneaz, perilletarik begiratzen, eta penetarik libratzen ditutzula, eta finean gaitz guzietarik atherarik atheraz gero hainitz esker on eta eder bozkariorekin eman diazazuten amorioagatik.

6. Ofrendatzen derauzkitzut ere bakezko othoitzak eta sakrifizioak, beregainki zerbaitetan ofensatu, tristetu, gaizki aiphatu, dainatu eta bidegabeztatu nautenakgatik: bai ere nik batzutan hitzez, eginez, neakiela edo eneakiela haserretu, asaldatu, damuztatu, edo eskandolisatu ditudan guziakgatik guzioi orobat gure bekatuak eta elkarren arteko ofensak barka diatzagutzun amoreagatik.

Athera zazu, Jauna, gure bihotzetarik iduripen gaixto guziak, bekaisteria, beltzuria, muturtasuna, haserredura, gudua, liskarra, eta zerk ere karitatea eta anaien arteko bakea zaurt, huts, guti, eta gibela baitezake.

Miserikordia Jauna, miserikordia egiezu miserikordia eske dagotzutenei, emezu beharrei grazia; eta egin gaitzatzu halakoak, non gerta gaitezin gai zure graziaz gozatzeko, eta sekulako biziaren ardiesteko. Biz hala.