Zeren hain usu kolerak zaramatzan, hain errazki bertzean higointzen zaizkitzun, hain arinki jujatzen tutzun, eta hain zorrozki eranzuten derauezun.
Zeren hain zaren alegera ongi doatzunean, hain flako gaizki gertatzen zaitzunean.
Finean zeren hainbertzetan deliberatzen duzun hainitz ontasun egiteko, eta hain guti egiten duzun.
3. Zure eskas makur horiok, eta bertze horrelakoak konfesaturik, damu handi bat harturik zeren hain flako zaren, har ezazu gogo eta borondate sail bat beti zure bizitzearen oneratzeko, eta hoberenetik hoberenera ekartzeko.
Gero obedienzia bethe, eta bihotz oso batez zeroni ene izenaren ohoretan ofrenda zakizkit bethiereko sakrifiziotzat zure bihotzeko aldarearen gainean, zure gorputza eta arima fidelki uzten ditutzula ene gomendioan; arren manera eta bide hartaz merezimendurekin hurbil ahal zaitezken Jainkoari Sakrifizio egitera, eta ene gorputzaren sakramendua zure Salbamendutan hartzera.
4. Ezen ezta ofrenda hobeagorik, ez eta bekatuakgatik satisfazione handiagorik, bere burua garbiki eta osoki Jesusen gorputz preziosarekin batean Jainkoari ofrendatzea baino meza erraitean, edo errezibitzean.
Nihork egiten badu bere baitan dena, eta egiazko urrikimendutan badago, noiz ere
