Laugarren liburua
Jesusen Imitazioneaz Laugarren liburua.
Aldareko Sakramendu guziz adoratzekoaz, eta hartara behar bezala preparatzeko antzeaz.
Jesusen amoriozko deia
Zatozte enegana nekaturik eta kargaturik zaudeten guziak, eta nik pausu eta indar berri emanen derautzuet, dio Jainkoaren Semeak. Matt. 11.28
Nik emanen dudan ogia, da ene haragia munduaren bizitzeko. Io. 6.51
Har ezazue eta jan ezazue: hau da ene gorputza, zuengatik eta zuentzat salduren eta emanen dena. Hori egizue ene orhoitzapenetan. Matt.6. I. cor. II.
Nork ere jaten baitu ene haragia, eta ene odola edaten, hura ene baitan dago, eta ni ere haren baitan nago. Io. 6.56.
Erran eta erraiten derauzkitzuedan hitzak, espiritu eta bizia dire. Io.6.63
Lehen kapitulua
Zer erreberenziarekin Jesusen gorputz preziosa errezibitu behar den.
Arima debotaren ihardespena
1. Hauk dire zure hitzak, o ene Jesus, egundainoko egia zarena; hek behingo aldian berean erran eztitutzularik, eta leku ber batetan eskiribatuak eztirelarik.
