Othoitza
Bihotzeko garbitasunaren eta zeruko zuhurziaren ardiesteko
4. Bortitz nazazu, ene Jainkoa, zure espiritu sainduaren graziaz: indazu indarra finka nadin barreneko gizona baitan, eta ene bihotzetik athera dezadan artha alfer eta grina guzia, eta zein ere nahi den gauza edo apurraren edo baliosaren desira enazaten eraman, baina beha diezedan gauza guziei beha diezedan iragaiten direnei bezala, eta neure burua ere mira dezadan, guziekin iraganen den gauza bezala.
Berdin ezta Iguzkiaren azpian dirauen gauzarik: aitzitik guziak dira banaloria eta espirituko nekadura. O zein zuhur den nork ere baitu horrelako konsiderazionerik.
5. Indazu, Jauna, zeruko zuhurzia, arren ikas dezadan zure bilha ibilten eta aurkitzen, zure dastatzen eta onesten gauza guzien gainetik, eta bertze gainerakoen ezagutzen, bere baitan diren eta zure zuhurziak ordenatu dituen ararera.
Indazu grazia zuhurki itzul nakion lausenguz dagotanari, eta emeki paira dezadan kontrarik egiten derautana: zeren hau da zuhurziarik handiena, hitz haize guziakgatik ez higitzea, eta gaizki lausengatzen hari
