Hainitz gogoeta gaixto ekartzen derautzu zure unhatzeko eta izitzeko zure gibelatzeko orazione egitetik eta liburu saindurik irakurtzetik.
Gaitzesten du konfesione humilla, eta, ahal balegi, utz araz liazakezu komunione saindua.
Eztezazula hura zinets eta eztuzula hartaz axolarik hainitzetan sareak hedatzen derauzkitzularik zure enganatzeko.
Gauza gaixtorik eta lizunik gogora ekartzen derautzunean, egiozu liskar eta errozu:
Oha espiritua satsua, ahalkadi dohakabea, hi hagitz likitza aiz, halakorik niri beharrietara ekartzeaz.
Aparta akit enganatzaille gaixtoa eztuk izanen ene baitan parterik: baina Jesus izanen dik enekin kapitain bortitz bat bezala eta hi geldituko aiz ahalkaturik.
Nahiago diat hil, eta pena suerte guzietan sartu hire gogara deusik egin baino.
Ago ixilik eta mutualdi, ez aut geiago enzunen, nahi duan bezanbat tarritatzen banauk ere.
Ene Jainkoa da ene argia eta ene salbamendua noren beldur izanen naiz?
Ene kontra alxatzen badira ere armadak ene bihotza ezta beldur izanen. Jauna dut lagun eta libratzaille.
