esperanza eta iheslekua ene herstura eta tribulazioneko egunean.
2. Baina zeren oraino flako bainaiz amudioan eta eskas bertutean: hargatik beharra dut bortitz eta konsola nazazu.
Bisita nazazu bada maiz eta dotrina nazazu zure dotrina sainduez.
Libra nazazu pasione gaixtoetarik eta senda zazu ene bihotza afekzione desordenatu guzietarik, arren barrenean sendaturik eta ongi garbiturik egin nadin gai eta baso maitatzeko, bortitz pairatzeko, finko eta fermu irauteko.
3. Gauza handia da amudioa, ontasun guztiz handia: hark bera dela egiten du arin, pizu den guzia, eta berdin ezten guzia berdin ekartzen du.
Zeren karga darama kargarik gabe, eta kiratz den guzia eztitzen du eta gozo egiten.
Jesusen amudio nobleak ertxatzen gaitu zerbait handirik egitera, eta iratzartzen gaitu bethiere den gauzarik konplienaren desiratzen.
Amudioa goiti nahia da, eta eztagoke beherekoetan loturik bat ere.
Amudioak nahi du libro eta munduko afekzione guzietarik urrun izan, beldurrez barreneko begia traba dakion, eta bera zerbait on denez korapill adin, edo zerbait kaltegarriz
