Jinkuak baletsa, deboten hanitx etsenplü ikhus unduan, gure berthütian aitzinatzeko desira lo daguen ardüra.
XIX. KAPITÜLIA
Fraide edo relijius hun batek egin behar dütian obretzaz.
I 19, 1. Fraide edo relijius hun baten bizitziak behar dü, berthüte orotzaz edertürik izan, amurekatik bere barnetik izan dadin, kanpotik gizoner üdüritzen zaien bezala.
Eta arrazureki hanitxez behar dü barnetik izan berthütusago, ezi ez kanpotik üdüri beita: zeren Jinkuak gure barnia ikhusten beitü: eta behar beitügü, nun-nahi beita giren, haren lotsa ezinago ümil bat ükhen, eta aingürü eli bat bezañ xahü haren aitzinian ebili.
Egün bakhoizkal arraberritü behar dügü gure deseñ huna, eta emendatü gure debozioniaren süia; egün lehenik hasten beikina bezala, salbamentüzko bidian sartzen.
Erran behar deiogü ajüta nazazü ene
