etxekiten beitü, gisa batez nun, aragia arrazuaren, eta arrazua ene obedienzian egon dadin gaiza orotan, hura da egiazki bere büriaren garhaitzale, eta mündiaren bürzagi.
III 53, 3. Goratarzün hortara igaitia desiratzen balin badüzü; hasi behar düzü bihoztoiki, eta zañialadrano aixkora phikua eman, amurekatik idoki, eta desegin dezazün, zihaurganatko, eta mündüko hun berhezi ororentako düzün, enjogidüra gaixto estalirik daguena.
Herrotik garhaitü behar diren gaizak oro daude kasi, bizio hortan, erran nahi beita, bere büriaren sobera behar ezten bezala maithatzian: gaitz hori garhaitüz eta plegatüz geroz, ihurk ükhenen dü berhala bake, eta phausü handi bat.
Bena nula jente aphür iseiatzen beitira, bere büriari osoki hiltzera, eta bere beitharik ezpeitira erras jalkiten: hartakoz egoiten dira bere beithan nahasirik, eta eztitake ezpiritüz berak beno gorago juan.
Eneki, aldiz, trebükü gabe ebiltia desiratzen dianak, behar dütü bere bihotzeko nahikünte gaixto, eta okherrak
