pareiatürik, eztüzü banitate, eta erhokeria baizik.
O ene Jinkua, egia eternala, miserikordia baztergabia, Trinitate adorablia, zuri zihauri biz eman laidorio, uhure, bertüte, eta gloria jinen diren mügagabezko thenpora orotan.
XLI. KAPITÜLIA
Uhure thenporal ororen mesperetxatziaz.
III 41, 1. Ene semia, etzitiala triste, uhurian, eta goratarzünian, besten ikhustez, zihauren aldiz, mesperetxian, eta aphaltarzünian izatez.
Eneganat zelialat goiti ezazü zure bihotza, eta lürren gañen, gizonek egiten, deitzien mesperetxiek eztütie tristetüren.
Jauna, ütsümentian gütüzü, eta banitatiak berhala inganatzen gitizü.
Untsa ene büria ikhertzen badüt, ikhusten dit seküla kratürak batek ere ezteitadala ogenik egin, hartakoz enitezü jüstoki zure eretzian plañi.
III 41, 2. Bena zeren ardüra, eta mortalki ofensatü beitzütüt, arrazureki kreatürek
