borthizki erabilten dizü; bena hura jardietsi dian bezañ sarri, beste sendimentürik hartzen hasten düzü: zeren bihotzeko desirak, gaiza beraurtan gañen, ezpeitira iraipus; bena lehenago batetik bestiala juan erazitzen beitie.
Eztüzü arren gaiza aphürra, gaizarik txipienetan ere, bere büriaren eiztia.
III 39, 3. Gizonaren egiazko profeitia dago, bere büriaren osoki eiztian, eta hala jarten dena, libertate, eta segürantza handi batetan dateke.
Bena etsai zaharra huntarzün ororen kuntre duena, tentazione emaitetik ezta baratzen: bena gai eta egün lazo gaixtorik hedatzen ari da, ustez hetan goguarik emaiten eztiana atzamanen dian.
Zaudezteie iratzarririk, eta othoitzetan, dio Jaunak, tentazionian sar etziteien.
XL. KAPITÜLIA
Gizonaz beraurganik deus hunik eztiala, eta eztaitiala deusez ere glorifika.
III 40, 1. Jauna, zer da gizona, zü hartzaz orhit izateko, edo zer da gizonaren semia, zük hura bisita dezazün?
