ungi erran badut, zergatik joiten nauk?
24 Orduan igor zezan hura Anasek estekaturik Kaifas Sakrifikadore subiranoagana.
25 Eta zegoen han Simon Pierris, eta berotzen zen. Erran ziezoten bada hari: Ez othe aiz hi ere haren diszipuluetarik? Ukha zezan hark, eta erran zezan: Ez naiz.
26 Diotsa hari Sakrifikadore subiranoaren zerbitzarietarik zenbeitek, Pierrisek beharria ebaki zeraukanaren ahaide batek: Ez aut nik hi ikhusi baratzean harekin?
27 Orduan berriz ukha zezan Pierrisek, eta bertan oillarrak jo zezan.
28 Gero eraman zezaten Jesus Kaifasganik Pretoriora. Eta zen goiza, eta berak etzitezen sar Pretoriora, satsu ez litezenzat, baina Bazkoa jan lezatenzat.
29 Ilkhi zedin bada Pilate hetara kanpora, eta erran zezan: Zer akusazione dakarkezue gizon hunen kontra?
30 Ihardets zezaten eta erran ziezoten: Baldin hori gaizki-egile ezpaliz, ezkindraukeán hiri libratu.
31 Dioste orduan Pilatek: Har ezazue haur zuek, eta zuen Legearen arauez kondemna ezazue. Orduan erran ziezoten Juduék: Eztuk sori guretzát nehoren hiltzea.
32 Haur zen Jesusen hitza konpli ledinzát, zein erran baitzezan aditzera emaiten zuela zer herioz hil behar luen.
33 Sar zedin bada berriz Pretoriora Pilate,
