63 Nor da gizon modorroa harzaz orhit eztena
eta gero halakoa gaitz erraiten duiena?
Ezta gizon naturazko hala egiten duiena.
Zeren eztu ezagutzen hala hongi egina?
IV. EZKONDUIEN KOPLAK
1 Jangoikoa, edetazu berzerena gogotik,
bera kaptiba da eta ni gathibu hargatik.
3 Ni gathibu nadukana kaptiba da berzeren;
ene ditxak hala egin du, ni gathibu bigaren;
gogo honez izanen niz, bizi baniz, bataren,
bana bortxaz baiezila ez jagoitik berziaren.
7 Berzerena har dazanak beretako amore
oborotan ukhenen du plazer bano dolore;
batzarriak bekhan eta beldurreki dirate,
guti uste dutenian gaitza bertan sor daite.
11 Honestea berzerena erhogoa handi da,
plazer baten ukhenen du anhitz malenkonia:
begiez ikus, ezin minza; han dakusat nekia;
beriareki datzanian enetako aizia.
15 Perileki baiezila ezin noake hargana
eta agian hark orduian ezpaituke aizina;
badu ere, beldur date; bertan doha harzara;
nik nahien dudanian, berzek besoan daratza.
