6. Orduan bozkario gehiago emanen du konzienzia onak eta garbiak, ezen ez filosofoen jakintasun guziak.
Orduan gehiago laudatuko da aberastasunen mesprezioa, ezen ez munduko tresor guzien jabetasuna eta posesionea.
Ikhusiko dugu orduan othoitzean enplegatu dugun denbora hobeki emana izatu dela, ezen ez atsegiñezko othuruntzetan iragan zaiguna.
Orduan bozkario gehiago izanen dugu ixillik egonaz, ezen ez solas luzeak egiñaz.
Progotxosago izanen ditugu hitz ederrak baiño, obra sainduak. Eta deskansu gehiago emanen daroku bizitze hersi eta penitentizak munduan hartu ditugun atsegin guziek baiño.
Ikhasazu beraz bizitze huntako gaitz xume, eta iragankorren pairatzen, bertzeko tormenta dorphe, eta eternaletarat eror ez zaitezen.
Froga zazu hemen, zer han paira dezakezun; hemengo gaitz xumeen jasateko indarrik ez baduzu, ikhusazu nola han pairatuko dituzun bethi iraunen duten suplizioak.
Hain pazienzia guti baduzu orai gaitzik xumeenetan, nola iraunen duzu ifernuko su eta lametan?
Orhoit zaite ez dela posible bozkariotik iragatea, mundu huntan lehenik dohatsu izatea, eta gero zeruan Jesu-Kristorekin erregiñatzea.
