Orrialde:AxularGero faksimile.djvu/16

<16> IRAKURTZAILEARI

bezala, liburutto baten, bi partetan partiturik, gero hunen gainean egitera.

Eta nahi nituzkeien bi parteak elkharrekin eta batetan athera. Baina ikhusirik zein gauza guti edireiten den euskaraz eskiribaturik, goganbehartu naiz eta beldurtu, eztiren bideak asko segur eta garbi, baden bitartean zenbait trabu edo behaztopa harri. Eta halatan, hartu dut gogo, lehenbiziko parte hunen lehenik benturatzeko, eta berri jakitera bezala aitzinerat igortzeko. Hunek zer iragaiten den, zer begitarte izaiten duen, eta nor nola mintzo den, abisu eman diazadan. Gero, abisu haren arauaz, ethorkizunerat gobernatzeko; eta bigarren partearen kanporat atheratzeko, edo barrenean gelditzeko eta estaltzeko.

7 Badakit anhitzek miretsiko duela eta edirenen arrotz eta estrainio, ni lan huni lotzea. Zeren anhitz izan baita orainokoan, eta baita orai ere, ni ez bezalakorik, ni baino hunetako gaiagorik eta anzatsuagorik, ezpaitute guztiarekin ere, orainokoan, hunelako materiatan, hunela ausartziarik eta eskudantziarik hartu. Baitirudi ezen asko behar lizatekeiela arrazoin haur ene gibelatzeko eta geldi arazitzeko ere. Baina ene kontra dela dirudien arrazoin hunek beronek, ni esportzatzen eta aitzinatzen nau, hunek