IV. KAPITÜLIA
Egin behar diren gaizetan, zer aitzinetik ikhusi behar den.
I 4, 1. Ezta behar elhe, ez pensamentü orori bere sinhetsia ezarri; bena gaizak behar dü lüzaz eta abisamentüreki Jinkuaren eretzian phezatü.
Elas ardüra ihurk sinhesten, eta erraiten dü ehikiago gaizkia, ezi ez huna besterentako, hañbeste gira flakü!
Bena jente konplitiek eztütie ehiñera sinhesten elhe errailiak oro: zeren beitakie gizonaren flakütarzüna gaizkialat ekharri, eta bere elhetan aski hüskor dela.
I 4, 2. Zühürtze handi bat da, egin behar diren gaizetan ez arhinegi izatia, eta berauren sendimentietan ez gogorki egoitia.
Hari so daguen phüntü bat da orano, zuñ-nahi beita gizonen elhen ez sinhestia, eta entzün eta sinhetsi dütian gaizen, ez besteri berhala arraerraitia.
Har zazü zure konsellia gizon zühür, eta kontzentzia maite dian bateki:
