Bigarren liburua
Lehen kapitulua
Barreneko.
1. Jainkoaren erresuma zuen baita da, dio gure Jaunak. Itzul zaite bihotz guziaz Jainkoagana, eta larga zazu mundu ondikozko hori, eta zure arimak edirenen du sosegua.
Ikazazu kanpoko gauzen mesprezatzen, eta barrenekoetan gogoa emaiten, eta ikusiko duzu Jainkoaren erresuma zureganako dela.
Ezen Jainkoaren erresuma da Espiritu Saindua baitako bakea eta bozkarioa, gaixtoei emaiten etzaiena.
Jesus etorriko da zuregana eta erakusiko derautzu bere konsolazionea, behar bezalako egoitza preparatzen badiozu zure baitan.
Haren loria eta edergaillu edertasun guzia barrenetik da, eta han laketzen zaio.
Maiz dabilko barreneko gizonari solhas amolsu egiten, hura maiz arraitzen du bere konsolazioneaz, bake handi batez berretzen du, eta miragarrizko begitarteak egiten diotza.
2. Ea bada, arima fidela, prepara diozozu espos hari zure bihotza, zuregana etortzeko, eta zure baitan egoiteko grazia egin diazazungatik.
