Orrialde:AxularGero faksimile.djvu/566

<564>

pensatzen dugun; ezen munduan ditugun bertze gauza guztiak nahi dugularik diren onak, gure bizitzea bera, gure konzientzia, gure arima nahi baitugu den gaixto. Quid enim est quod vis habere malum? Nihil omnino; non uxorem, non filiam, non servum, non ancillam, non villam, non tunicam, postremo non caligam; et tamen vellis habere malam vitam? Rogo te praepone vitam tuam caligae tuae. Si possent respondere bona tua, quibus est plena domus tua, quae habere optasti et perdere timuisti, nonne et tibi clamarent: "Sicut tu nos bona vis habere, sic et nos volumus bonum habere dominum" (Aug. Serm. 12 de verbis Domini, t.10). "Erradazu, othoi ―dio San Agustinek―, nahi othe zenduke deus ere gauza gaixtorik? Ez segur. Eztuzu nahi emazte gaixtoa, ez seme gaixtoa, ez zerbitzari gaixtoa, ez athorra gaixtoa, eta ez azkenez goiti zapata gaixtoa ere. Nolatan, bada, nahi duzu guztien gainetik konzientzia gaixtoa? Bertze gauza guztiak onak, baina zeure burua, zeure bizitzea, zeure konzientzia, zeure arima, gaixto. Baldin zure zapatak, eta etxean zeure zerbitzuko dituzun bertze gauzak mintza albalitezi, erran liazaizute: "Zuk nahi duzu gu garen onak; hala nahi dugu, bada, guk ere zu zaren ona. Zuk nahi ditutzu zerbitzari onak; hala nahi dugu, bada, guk ere nabusi ona". 361 Baldin galdegin baliazazute, zer den zuk duzun gauzarik maitena, ihardets zenezake zure bizia dela; zeren biziagatik, munduko