Oro balira konplitü, zer günüke Jinkuaren amurekatik besteganik soferitzeko.
I 16, 4. Bena orai Jinkuak gisa batez gaizak ezarri dütü, nun-nahi beitü ikhas dezagün, batak bestiaren kargen egarten: zeren ezpeita ihur ere makülagabe, ihur ere karga gabe, ihur ere besteren mengua eztenik, ihur ere beretako aski zühür denik; bena behar dügü alkhar konsolatü, alkhar sokhorritü, alkharri erakutsi, eta alkhar abisatü.
Gañeran deusek ere eztü hobeki ezagüt erazitzen, zuñen handi den batbederaren berthütia, nula desditxatü izatiak.
Ezi beharrek eztie gizona flaka erazitzen, bena bai nulako den erakusten.
XVII. KAPITÜLIA
Komentietako bizitziaz.
I 17, 1. Ikhasi behar düzü, zure büriari hanitx gaizatan bühurtzen, bestekila nahi badüzü bakia, eta jünto izatia begiratü.
