soferitzia desiratü, ezi ez konsolazione hanitxez solajatü izatia: Jesü Kristen haboro üdüri beitzünüke, eta hobeki saintien ororen araur bizi beitzinteke.
Ezi gure mereximentia, eta gure izatiaren profeitia, eztago eztitarzünen, eta konsolazionen hanixtarzünian; bena bai lehenago, gaitzen eta thürbürarzün handienen soferitzian.
II 12, 15. Ezi zerbait hoberik, edo abantallusagorik gizonaren salbamentiaren izan balin baliz, ezi ez soferitzia, Jesü Kristek segürki hitzez, eta etsenplüz erakutsi zükian.
Ezi hari jarraikiten diren dizipülier, eta beste jarraiki nahi zaitzoner orori klarki gomendatzen dü khürütxiaren ekhartia, dioialarik; nurbait ene unduan jarraiki nahi bada, eitz beza bere büriaren arranküra, goiti beza bere khürütxia, eta jarraiki bekit.
Ororen irakur eta xehe ikher unduan, haur biz hetarik idoki behar den azken arrazua.
Behar dügüla hanitx thürbürarzünetan igarenik Jinkuaren erresoman sarthü.
Bigerren libriaren akabantza.
