eta bestek orok hüts eginik ere, ezin hütsik egiten ahal deizünaren ajütü fidelari gomenda zite.
Gisa huntako düzü, zure maitiaren propitajia, nun ezpeitü nahi lagün arrotzik bereki ükhen; bena bera, besterik gabe, nahi düzü zure bihotzaren bürzagi izan, eta hartan jarri errege bat bere tronuan jarten den bezala.
Bazeneki, kreatüra orotarik zure bihotzaren hüsten, Jesüs zureki, gogo hunez, egon litezü.
Zernahi beita konfidantxa, Jesüs gabe, gizonetan ezarri düzün, oro galdürik bezala edirenen düzü.
Kanabera aize orotarat plegatzen den batetan, etzitiala fida, ez berma, zeren aragia oro belharra bezala beita, eta haren gloria oro belharraren lilia bezala eroriren beita.
II 7, 3. Bertan trunpatü izanen zira, gizonen kanpotiko itxurari baizik, ezpadüzü sorik egiten.
Ezi zure konsolazionia, eta irabazia beste gizonetan txerkhatzen balin badüzü; ardürago damü jardietsiren düzü.
Jesüs gaiza orotan txerkhatzen balin badüzü, hura edirenen düzü segürki.
Zihauren büria, aldiz txerkhatzen
