<346>
aboro hunaren miserikordiari gomendatu, ezi ez ene bizitze gaiztuaz Jinkoaren ofentsatzeko okasione eman.
Aita Abilak erraiten dizi bertuthian ezkaz edo net perfeit eztenak, bizia beno lehenago hiltzia desiratu behar lukeela, zeren bekatu egiteko lanjer segidasko bathian bailizate, eta zointarik heriuak idoki bailiro. Ezi zer da heriua —ziozu Seint Anbrosiok— bezik ere biziuen edo bekathien hobia eta bertuthen pizthia?
Arrazoin hunak eta seindiak dituzu hiltziaren desiratzeko orai artekan erran tugunak, bena orotan den perfeitena duzu, Joandene Paule Apostolia ekarten ziena desiratzera haren arima gorpitzeko ezteketarik libra edo laxa ladin Jesu-Kristoreki izaiteko. Apostolu handia, gorpitzeko presundeitik libratu nahi zindiena munduko phener ihesi egithiagatik? Ez; aflikzionetan ezarten duzu zure gloria eta plazerra. Bekathian eror beldurrez eia? Guthiago; ezi erraiten deraguzu segur zirela heriuak, ez biziak, etzitzaketela Jinkoaren amoriotik urrunt edo parti. Seindu handi hura hain zuzun grazian azkarthia edo finkathia, nun segur baitzen behin ere etzezakeela gal; halaz, hortzaz ezin zikezin beldurrik. Bena nolaz, beraz, hain gartsuki hiltzia desiratzen zindien? Jesu-Kristoreki izaithiagatik eta zeren harendako amorioz augathia bainiz. Amorioz eri zuzun;
