erdiraturik erran zezan: Zer gehiago testimonio behar dugu?
64 Enzun duzue blasfemioa: zer irudi zaizue? Eta hek guziék haren kontra juja zezaten hil merezi zuela.
65 Eta has zitezen batzu haren kontra thu egiten, eta haren begithartearen estaltzen, eta haren bufetatzen, eta hari erraiten: Profetiza ezak. Eta ofizierék zihor ukhaldi emaiten zeraukaten.
66 Eta Pierris behereko salan zegoela, ethor zedin Sakrifikadore subiranoaren neskatoetarik bat.
67 Eta ikhusi zuenean Pierris berotzen zegoela, hari begira jarririk erran zezan: Eta hi Jesus Nazarenorekin inzén.
68 Baina hark ukha zezan, zioela: Eztinát ezagutzen, ez etzeakinat hik zer dionán. Eta ilkhi zedin korralerat, eta oillarrak jo zezan.
69 Eta neskatoa berriz hura ikhusirik, has zedin han ziradenei erraiten: Haur hetarik da.
70 Baina hark berriz ukha zezan. Eta aphur baten buruan berriz han ziradenék erran ziezoten Pierrisi: Egiazki hetarik aiz, ezen Galileano aiz, eta hire lengoajeak irudi dik.
71 Orduan hura has zedin maradikatzen eta arnegatzen, zioela: Eztut ezagutzen zuek diozuen gizon hori.
72 Eta berriz oillarrak jo zezan, eta orhoit zedin Pierris Jesusek erran zeraukan hitzaz: Oillarrak bigetan jo dezan baino lehen, hiruretan
