<1 159>
au Ciel nôtre Seigneur au prochain jour de sa triomphante Ascension, & demander avec plus de confiance ce qui nous est necessaire en cette vie.
Mais nous ayant reçù diverses plaintes dans nôtre derniere visite dudit Pays, qu’il s’y commetoit de grands abus, dissolutions, quereles, & irreverances contre l’Esprit de Dieu, & de l’Eglise aux Processions de ces jours: Et bien que les Parroissiens soient obligez de droit, & par devoir respectif d’y suivre leurs Pasteurs avec modestie & humilité; Neanmoins parce que lesd. Processions se faisoient vers des Eglises ou Chapeles étrangeres du voisinage, leur tiedeur dans la pieté y trouvant un peu de rigueur, ils ont la plûpart negligé d’y aller, & plusieurs de ceux qui s’y rendoient, y alloient encore hors le tems des Processions, & s’y amusoient à joüer, danser, & à commettre des excez qui faisoient perdre entierement le fruit de la priere.
Ce qui nous auroit obligé d’ordonner que les Curez fairoient desormais lesd. Processions dans les limites seulement de
