Sarrera

Hizkuntza aztertzea eta berau ordenagailu bidez tratatzeko dauden teknikak eta aplikazioak ezagutzea da masterraren helburu nagusia. Hizkuntz industrien barruan kokatzen diren aplikazioen artean honakoak sartzen dira:

    -Testuen edizioa eta kudeaketa (zuzentzaile ortografikoak eta gramatikalak, hiztegi-laguntzak)
    -Informazio-bilaketa eta eskurapena testu-masa handietan
    -Itzulpen automatikoa
    -Lengoaia naturaleko interfazeak
    -Hizketaren tratamendua

Mota hauetako hainbat aplikazioz inguratuta gaude. Hala nola:

  • Erabiltzen duzu Google translate zerbitzuan ematen duen itzuli dokumentu bat aukera? 
  • Gmail-en itzuli dituzu mezuak euskarara klik bakar batean?
    Zuk esan esaldi bat euskaraz eta ingelesera pasatzen dizu. Probatu duzu telefonoan?
  • Deskargatu duzu Mitzuli aplikazioa android telefonora? Honek ere testua, audio eta irudiak itzultzen ditu 50 hizkuntza-bikoeetarako, librea da... eta HAP master honetako ikasle batek sortu du! Mitzuli
  • Euskarara itzultzeko Matxin ere bai: (Elhuyar-Ixa), Neuro-Matxin (Ixa) eta Itzultzailea (Eusko Jaurlaritza) 
  • Segapoto-ren laguntzaz bertso bat osatu eta lagunei bidali diezu? Hori ere HAP master honetako ikasleek sortua da!
  • Telebistako Jeopardy programan galderak erantzuten pertsonei irabazi zien programa. -Watson
  • http://start.csail.mit.edu/index.php  Galdetu: `How far is Bilbao from London?'
  • Siri-rekin hitz egin duzu?
  • Nola egiten dute albiste bilduma hori etengabe automatikoki eguneratuta mantentzeko?
  • Loquendo,Nuance,Aholab: Entzun nola irakurtzen dituen zuk idatzitako testuak.
  • Ikusi duzu testu-prozesadoretako 'Autosummarize' edo 'Autoabstract' tresna?
  • Zein kantariren alde agertzen da txio gehien Twitter-en? LaVoz-Alicanteko Unibertsitatea
  • Kartelak 20 hizkuntzatan?? QRak erabilita Albaola museoan posiblea da
  • 900 hiztegi kontsultagarri ingeleserako, 300 espainierarako, 9 euskararako:
  • Bilatu dituzu elurrarrekin (snow) zerikusirik duten hitzak One Look hiztegi-zerbitzuan?
  • 50 hiztegi euskararako:
  • Zein adjektiborekin erabiltzen da "mailegu" hitza? Bilatu Web-corpusen Atarian.
  • Oraindik ez duzu erabiltzen ?
  • Badakizu ixa-pipes tresnak Ixa Taldean sortu dugula eta euskara, ingelesa eta espainiera analizatzeko oso baliagarria dela.
  • Hizkuntzarteko zubiak : Zertan lagun diezagukete hizkuntza-teknologiek Siriako errefuxiatuekin komunikatzeko eta laguntzeko?

 

Era honetako aplikazioak kudeatu eta sortzen ikasiko duzu gure masterrean.

Eusko Jaurlaritzak Infoingeniaritza linguistikoa aukeratu du bere ikerkuntza-lerro estrategikoren artean. Lerro honetan ikerketa eta garapena landuko duten ikertzaile berriak behar dira (informatikariak eta hizkuntzalariak).

2001-02 ikasturtetik gabiltza ikastaro hauek eskaintzen.

Hizkuntza Teknologiaren mundu honetan sartu nahi duzu gure eskutik?

    DIZIPLINARTEKOTASUNA:

    • Sei sail eta beste horrenbeste jakintza-arlo batu gara doktorego-programa honen koordinazioan: Lengoaia eta Sistema Informatikoak, Euskal Hizkuntza eta Komunikazioa, Komunikazioen Ingenieritza, Konputagailuen Arkitektura eta Teknologia, Hizkuntzaren eta Literaturaren Didaktika, Konputazio Zientziak eta Adimen Artifiziala.
    • UPV-EHUk ondoko erakundeekin egin du hitzarmena, azpiegituran eta irakaskuntzan lankidetza izateko: Elhuyar fundazioa, Eleka Ingeniaritza Linguistikoa, S.L.VICOMTECH, Asociación Centro de Tecnologías de Interacción Visual y Comunicaciones, Robotiker Tecnalia, Langune.
    • Beste Unibertsitateekin lankidetza:
      • Universitat de Barcelona
      • Universitat Politécnica de Catalunya
      • Urije Universiteit, Amsterdam
      • Dublin City University
      • Universität Zürich
      • Technische Universität Darmstadt
      • Sapienza. Università di Roma