Orrialde:AxularGero faksimile.djvu/484

<482>

baino. Eta ifernura joaiten denak, pena eta trabailu gehiago iragan behar duela, are mundu hunetan ere, ifernura joaiteko, parabisuratzen denak parabisuratzeko baino.

Eta hartarakotzat froga dezagun lehenik, erraz dela parabisuko bidea, eta gero frogatuko dugu errazago dela ifernukoa baino.

Nola parabisuko bidea den erraz

Kap. XLIX

312 Egia haur, parabisuko bidea erraz dela, anhitz moldez eta arrazoinez froga ahal diteke. Lehenbizikorik erraiten du Jondone Joanes ebanjelistak: Mandata eius gravia non sunt(Ioan. 5). Jainkoaren manamenduak eztira pisu, eta ez gaitz. Halaber, erraiten du Spiritu Sainduak: Qui custodit praeceptum, non experietur quicquam mali (Eccles. 8). Manua konplitzen duenak eztu gaitzik frogatuko, halakoa aise eta bere gogara izanen da. Eta, guztien gainetik, erraiten du gure Salbatzaileak berak: Venite ad me omnes qui laboratis et onerati estis, et ego reficiam vos. Tollite iugum meum super vos, et discite a me, quia mitis sum et humilis corde; et invenietis requiem animabus vestris. Iugum, enim, meum suave est, et onus meum leve (Matth. 11). “Zatozte