Orrialde:AxularGero faksimile.djvu/486

<484>

dela, eta gutik edireiten duela bide hura. Baina ifernuko bidea dela handi, zabal eta plazent, eta eztela bide hartan jende eskasik, badela konpainia franko. Batean emaiten du aditzera erraz dela eta zabal parabisuko bidea; eta, berriz, bertzean gaitz dela eta mehar. Nolatan ahal dateke, bada, haur hunela, erraz eta gaitz, zabal eta mehar?

§ 1

313 Pontu huni ihardesteko, jakin behar duzue ezen, baldin alde batetik Jainkoaren lege sainduari berari, hain osoki eta konplituki konplitu eta begiratu behar denari, eta bertzetik geure haragiari ere berari, hain gauza flakoari eta flakatzen erraxari, soilki eta bakharrik beha badiazegu, latz eta gaitz dela Jainkoaren zerbitzatzea, eta haren lege sainduaren begiratzea eta konplitzea. Baina, baldin konsidera baditzagu Jainkoaren laguntza, ethorkizuneko esperantza, pagamenduaren segurantza, gogotik eta borondatez dagoenaren indarra eta, guztien gainetik, ontasunean dabilanari Spiritu Sainduak emaiten dioen indarra, berotasuna, konsolamendua eta donua, edirenen dugu, ez gaitz, baina erraz; ez hertsi, baina zabal; ez pisu, baina arin eta plazent dela Jainkoaren